HOMENAXEANDO A CELSO EMILIO

COMO NON PARAMOS... HOXE 12-12-12, IMOS SAÍR AO PATIO PARA CONMEMORAR O CENTENARIO DO NACEMENTO DE CELSO EMILIO FERREIRO. ESTIVEMOS TRABALLANDO ALGO DA SÚA BIOGRAFÍA E HAI UN POEMA DEL QUE SE VAI RAPEAR NO PATIO. NÓS TRABALLAREMOS TAMÉN CUN POEMA QUE FALA DE CELANOVA... XA APARECERÁN FOTOS NOS BLOG DO COLEXIO.

SAÍMOS VER UNHA EXPOSICIÓN SOBRE PICASSO

COMO ESTAMOS TRABALLANDO UN PROXECTO SOBRE PICASSO, FOMOS VER UNHA EXPOSICIÓN E FACER UNS OBRADOIROS RELACIONADOS COA SÚA PINTURA. FOI CURTIÑO PERO MOI INTERESANTE:

AGORA SEGUIMOS APRENDENDO SOBRE PABLO PICASSO E FALANDO DAS ÉPOCAS PICTÓRICAS. ALGUNHAS DAS SÚAS OBRAS CREMOS NÓS QUE SOMOS CAPACES DE FACELAS CASE IGUAL.

TRABALLAMOS SOBRE PICASSO

ESTAMOS TRABALLANDO SOBRE UN PINTOR DO SÉCULO XX. É PABLO PICASSO. IMOS INVESTIGAR SOBRE A SÚA BIOGRAFÍA E A SÚA OBRA. TEMOS UN LIBRIÑO MOI CHULO E IMOS TER UN SORPRESA CO ALUMNADO DE 6º. XA VOS CONTAREMOS. AH! IMOS IR A UNHA EXPOSICIÓN DE GRAVADOS DE PICASSO E TER UN OBRADOIRO...

VISITOUNOS ANXO MOURE

ESTE LUNS ANXO MOURE ESTIVO CONNOSCO NA BIBLIOTECA PARA COMENTARNOS O LIBRO QUE LEMOS DEL.
O LIBRO O CARBALLO CON BOTAS FOI O PROTAGONISTA DUNHA SESIÓN MOI DIVERTIDA.
ESTIVEMOS VENDO UN CABALO DE MADEIRA, UN SOMBREIRO DE TRASNOS, UN MIRAMUNDO DE ÁRBORE, ....

O CARBALLO CON BOTAS

NUNS DÍAS VISITARANOS ANXO MOURE. ESTAMOS TRABALLANDO CO SEU LIBRO " O CARBALLO CON BOTAS" ESTANOS GUSTANDO MOITO. APRENDEMOS MOITAS COUSAS SOBRE AS ÁRBORES, OS INCENDIOS... E SABEDES COMO NACEN AS ÁRBORES? AO MELLOR PLANTAMOS NÓS TAMÉN UN CARBALLO... BEN UNHA LANDRA...

ELABORAMOS UN LIBRIÑO COA LECTURA:

EN NOVEMBRO: 20, 23, E 25

MALALA AXÚDANOS A REFLEXIONAR SOBRE O DEREITO Á EDUCACIÓN TANTO PARA OS NENOS COMO PARA AS NENAS E COMO SE MALTRATA A NENAS DE DETERMINADOS PAÍSES DISCRIMINÁNDOAS E NON DEIXÁNDOAS IR Á ESCOLA. AXUDÁDENOS A REFLEXIONAR SOBRE O TEMA.

O MAGOSTO

O VENRES CELEBRAMOS O MAGOSTO NO COLEXIO. HOUBERON XOGOS QUE INVESTIGARAMOS COA PROFE DE EDUCACIÓN FÍSICA, BAILES QUE TRABALLAMOS CON LOLA E... COMEMOS CASTAÑAS!

TAMÉN ELABORAMOS UNS CARTEIS PARA A EXPOSICIÓN DO COLEXIO. NÓS FIXÉMOLO SOBRE ANIMAIS E O QUE FAN NO OUTONO. VINDE VISITALA.

ILUSTRAMOS CONTOS VARIADOS

TEMOS UNHA CHEA DE LIBROS QUE ESTAMOS ILUSTRANDO E COMPLETANDO: - UN TROQUELADO SOBRE A CASTAÑA, QUE ESTÁ EN OURIZOS, PERO NON SON ANIMAIS (INDA QUE HAI ANIMAIS QUE TAMÉN SE CHAMAN OURIZOS) - UN LIBRO INFORMATIVO SOBRE OS FEITOS E ASPECTOS DO OUTONO. - UN LIBRO SOBRE O ESQUÍO ANTÍO E A SÚA PARELLA CAL SERÁ O SEGUINTE?

TEMOS UN ABECEDARIO

IMOS ESTREAR UN ABECEDARIO. NEL POÑEREMOS DE MOMENTO OS ANIMAIS SOBRE OS QUE INVESTIGAMOS. PERO RAPIDAMENTE APARECERÁN OUTRAS PALABRAS QUE COÑECEMOS. ALGUNHAS SON MOI COMPLICADAS COMO VIVÍPARO, MAIS OUTRAS SON "SINXELAS" COMO HÁBITAT. XA VOS IREMOS PEDINDO AXUDA...

RAZOAMOS CON PROBLEMAS DE IMAXES

TEMOS UNHA CHEA DE PROBLEMAS EN POWER POINT. TODOS ELES TEÑEN ALGO QUE VER CO OUTONO. SOMOS XENIAIS RAZOANDO E FACENDO NÚMEROS!

INVESTIGAMOS O QUE FAN OS ANIMAIS NO OUTONO

LEVAMOS VARIOS DÍAS INVESTIGANDO SOBRE O QUE FAN O ESQUÍO, O OSO, O LOBO, O CERVO, A OVELLA, O OURIZO,... NO OUTONO. LABORAMOS FICHAS SOBRE ELES. VIMOS MOITAS IMAXES E LEMOS MOITA INFORMACIÓN. FACEMOS UN COLAXE PORQUE IMOS PARTICIPAR NA EXPOSICIÓN DO COLEXIO, VEREDES QUE MARABILLAS FACEMOS!

UN LIBRO QUE NOS GUSTA

LEVAMOS VARIOS DÍAS TRABALLANDO CUN POEMA QUE NÓS TITULAMOS. "A PATA E O PATO". SABEMOS O POEMA DE MEMORIA E ELABORAMOS UNHAS ILUSTRACIÓNS ESTUPENDAS. MIRADE COMO TRABALLAMOS CO LIBRO NOS EQUIPOS. ESTAMOS AGORA INVESTIGANDO SOBRE A ESTACIÓN NA QUE ACABAMOS DE ENTRAR.

NOS RECANTOS DE 5 ANOS HAI MOITAS COUSAS

TAMÉN EN CINCO ANOS TEMOS RECANTOS. DEIXÁMOSVOS UNHAS FOTOS DUNHA DAS SESIÓNS.

O NOSO PROXECTO SOBRE GROENLANDIA

ESTAMOS REMATANDO UN PROXECTO SOBRE GROENLANDIA. SABEMOS MOITÍIIIISIMO SOBRE ESTA ILLA. AGORA ELABORAMOS UN LIBRO. AQUÍ VOS DEIXAMOS UNHA PRIMICIA:

COMEZAMOS EN CINCO ANOS!

O DÍA 12, IMOS COMEZAR NAS CLASES DE CINCO ANOS. QUE EMOCIÓN! ESTE CURSO SERÁ O NOSO ÚLTIMO EN INFANTIL. IMOS APRENDER MOITO. XA SOMOS AS MAIORES E OS MAIORES DE INFANTIL. VEREDES QUE DE COUSAS IMOS FACER! QUE TERÁN PREPARADO AS NOSAS MASCOTAS?

FIN DE CURSO

REMATAMOS O CURSO COA VISITA DE GABRIEL E FIXEMOS UNHAS FOTOS DE GRUPO. VÉMONOS EN EI 5 ANOS. BO VERÁN!

UN AVISPEIRO CHEGOU A CLASE

HAI VARIOS DÍAS QUE CHEGOU Á NOSA CLASE UN AVISPEIRO. TEMOS TANTA CURIOSIDADE QUE ESTAMOS A APRENDER SOBRE EL.

UN NOVO PERSONAXE APARECE NA CLASE

UN 23 DE ABRIL NACEU UN IMPORTANTE PERSOANAXE PONTEVEDRÉS, VALENTÍN PAZ ANDRADE. SOBRE EL E A SÚA VIDA IMOS TRABALLAR NESTAS SEMANAS A TRAVÉS DUNHA WEBQUEST. XA VOS IREMOS CONTANDO.

O DÍA DO LIBRO E DICKENS

O 23 DE ABRIL IMOS IR Á BIBLIOTECA LER UN LIBRO DE CHARLES DICKENS. TODO O CENTRO FARÁ UNHA LECTURA RELACIONADA CON ESTE ESCRITOR. VAI SER UN DÍA ESPECIAL DE LECTURA. CONVIDÁMOSVOS QUE NA CASA TAMÉN O CELEBREDES CONNOSCO.

UNHA POESÍA VOANDEIRA ESTÁ COMEZANDO A PERCORRER AS NOSAS CASA

ESTE ANO, NO COLEXIO, VAI CELEBRARSE O 20 ANIVERSARIO DO CERTAME DE POESÍA. UN CERTAME QUE COMEZOU CANDO ALGUNHAS DAS NOSAS NAIS E PAIS ERAN ALUMNAS OU ALUMNOS DESTE CENTRO.
QUEREMOS CELEBRALO DUN XEITO ESPECIAL, FACENDO UN LIBRO DE POESÍA ENTRE TODAS E TODOS. DENDE AS CASAS, IMOS CON MAMÁ E PAPÁ CONTINUAR UNHA POESÍA, ENGADINDO UN OU DOUS VERSOS E ILUSTRANDO.
EXPOÑEREMOS O LIBRIÑO...

ESTAMOS TRABALLANDO SOBRE A UNIÓN EUROPEA

CO GALLO DO 20 ANIVERSARIO DUN TRATADO POLO QUE SE INICIOU A UNIÓN EUROPEA, AS NOSAS MASCOTAS PEDÍRONNOS QUE TRABALLARAMOS UN PAÍS. ESTAMOS TRABALLANDO AO REDOR DE ITALIA.
APRENDEMOS MOITAS COUSAS... XA VEREDES CANTO SABEMOS DESE PAÍS. DESPOIS IMOS ELABORAR UN MAPA MENTAL. PROMETEMOS POÑER FOTOS.

EXPERIMENTAMOS COAS CORES NO LABORATORIO

ESTAMOS FACENDO EXPERIMENTOS COAS CORES.
ESCOITAMOS O CONTO DUN PEIXIÑO CON RAIAS NEGRAS E... DEBUXÁMOLO NA CLASE... DESPOIS FOMOS AO LABORATORIO EXPERIMENTAR E VER QUE LLE PASOU AO PEIXE NA AUGA...
TAMÉN FIXEMOS OUTRAS EXPERIENCIAS CON CORES... VEREDES QUE FOTOS! AS NENAS E NENOS DE CINCO ANOS FIXERON EXPERIMENTOS COA ELECTRICIDADE E NÓS VIMOS ALGUNHA COUSIÑA QUE NOS ENSINARON

APRENDEMOS SOBRE O POLO NORTE

HOXE VISITÁRONNOS AS NENAS E OS NENOS DE INFANTIL DE TRES. VIÑERON DARNOS UNHA CONFERENCIA SOBRE O POLO NORTE.
APRENDEMOS QUE ALÍ VIVEN OS INUITS, QUE NON SE BICAN, QUE TEÑEN OUTRO XEITO DE SAUDARSE... E PRACTICAMOS O SAÚDO.
APRENDEMOS OS ANIMAIS QUE ALÍ VIVEN, APRENDEMOS QUE OS PINGÜÍNS NON VIVEN NO POLO NORTE.
TRASLÁDANSE EN KAYAKS E TRINEOS TIRADOS POR MALAMUTES E OUTRAS ESPECIES.

TRABALLAMOS AO REDOR DE ROSALÍA DE CASTRO

DENDE O 24 DE FEBREIRO ESTAMOS A TRABALLAR COA FIGURA DE ROSALÍA DE CASTRO.
APRENDEMOS SOBRE A SÚA BIOGRAFÍA.
MEMORIZAMOS E CANTAMOS POEMAS DELA.
ATA NOS TROUXERON UN BILLETE EN PESETAS QUE TEN A CARA DE ROSALÍA!

E VISITAMOS A CASA DE ROSALÍA

O ORDENADOR ENCÁNTANOS

ULTIMAMENTE VEMOS MOITAS COUSAS NO ORDENADOR: PRESENTACIÓNS SOBRE O ENTROIDO, HISTORIAS E CANCIÓNS DO INVERNO, SUPERSTICIÓNS, NÚMEROS...
PERO TAMÉN IMOS Á AULA DE INFORMÁTICA E TRABALLAMOS NOS ORDENADORES NÓS SÓS
MIRADE CANTA DESTREZA TEMOS!

VAI CHEGANDO O ENTROIDO

XA ESTÁ CHEGANDO O ENTROIDO E ISO DOS DISFRACES VAINOS GUSTAR MOITO...
DE QUE NOS DISFRAZAREMOS ESTE ANO?
DÁNOS QUE ALGO VAI TER QUE VER COAS SUPERSTICIÓNS SOBRE AS QUE TRABALLAMOS! NON CREDES?

ACERTAREMOS?

UN CÓMIC SOBRE AS SUPERSTICIÓNS

DESPOIS DE LER MOITO SOBRE SUPERSTICIÓNS, XOGAR, ANOTALAS,... IMOS TRABALLAR SOBRE AS SUPERSTICIÓNS RELACIONADAS COA VASOIRA...
NUN LIBRO RECOLLEMOS O QUE INVESTIGAMOS

SABEDES QUE AS VASOIRAS TAMÉN TEÑEN ALGO QUE VER COAS BRUXAS??
AS NOSAS MASCOTAS ESTÁN ENCANTADAS CON ISO DE SER BRUXAS, DE VOAR EN VASOIRAS E DE FACER CONXUROS... ASÍ QUE IMOS FACER UN CÓMIC RELACIONADO CON TODO ISO.
O OBRADOIRO DE CÓMICS NA CLASE FOI TODO UN ÉXITO, HAI DOUS CÓMICS QUE NOS GUSTARON MOITO, O DE "ANTÓN" E O DE "POIPOI"

FIXEMOS UN LIBRO SOBRE A PAZ

GUSTOUNOS TANTO INVESTIGAR CON XINXI QUE FIXEMOS MOITAS ANOTACIÓNS NO LIBRO DA PAZ. FALAMOS DE XESTOS DE PAZ: SAUDAR, AGRADECER, PEDIR POR FAVOR, DESPEDIRSE,... E FOMOS POÑENDO COMO FACELO. QUEDÁRONNOS UNS DEBUXOS MOI BONITOS. IDES VELO PRONTIÑO PORQUE O LEVAREMOS PARA CASA.

XESTOS POLA PAZ

UN NOVO PERSONAXE, XINXI, VAINOS ENSINAR XESTOS RELACIONADOS COA PAZ: SAUDAR, DESPEDIR, PEDIR POR FAVOR, AGRADECER, ... E ADEMAIS EN VARIOS IDIOMAS... PORQUE XINXI SABE FALAR MOITAS LINGUAS!!!
XINXI VIVE NUN PAÍS MOI FRÍO...

ALÍ FAI MÁIS FRÍO QUE AQUÍ NO INVERNO...

QUE OCORRE NO INVERNO AQUÍ?

XA ESTAMOS NO 2012!

XA CAMBIAMOS DE ANO. ESTAMOS NO ANO 2012...
AS MASCOTAS ESTÁN EN PLENO TRABALLO, ANDAN INVESTIGANDO SOBRE AS SUPERSTICIÓNS!!!
APARECEU UNHA CARTA NA CLASE PARA QUE LLES AXUDEMOS A INVESTIGAR E NO COLE HAI UNS MURAIS ENORMES ONDE IMOS POÑER SUPERSTICIÓNS...